+976 - 70273346,    70273705
ОЛОН УЛСЫН ЭМЭГТЭЙЧҮҮДИЙН ЭРХИЙГ ХАМГААЛАХ ӨДӨР АЙМГИЙН ХЭМЖЭЭНД ТАВАН ЭХ АМАРЖСАН БАЙНА

Эмэгтэй хүн бүхэн ээж гэж дуудуулах эрхэм гавьяатай хүмүүс. Аймгийн Засаг Даргын захирамжийн дагуу эх хүүхдийн эрүүл мэндийг хамгаалах чиглэлээр авч хэрэгжүүлж буй арга хэмжээний хүрээнд Олон улсын эмэгтэйчүүдийн эрхийг хамгаалах өдөр мэндэлсэн таван хүүхдэд 100 мянган төгрөг бүхий “Ирээдүйн саятан” хадгаламжийн дэвтрийг гардуулан өглөө.

Баярын өдөр аймгийн нэгдсэн эмнэлэгт Нямсүрэн, Хишигсүрэн, Намуунцацрал, Тунгалагтамир нарын дөрвөн эх, Баян-Өнжүүл суманд нэг эх амаржсан бөгөөд эхчүүд, хүүхдүүдийн биеийн байдал сайн байна.

Эхчүүд дунд анхны хүүхдээ өлгийдөн авч байгаа хүн байхад 7 дахь үрийнхээ зулайг үнэрлэж байгаа эх ч байлаа. Дашрамд сонирхуулахад үндэсний томоохон контент болох Авьяаслаг Монголчууд шоуны 2016 оны оролцогч, С.Чимгээ шүүгчийн алтан баззерын эзэн Өндөрширээт сумын харьат Б.Тунгалагтамир энэ өдөр амаржиж 4 дэх охиноо  өлгийдөн авснаар долоон хүүхдийн ээж хэмээх эрхэм алдрыг хүртэж байна.

НИЙТЭЛСЭН: 2018-03-09 18:30:46