“Эх, хүүхдийн тусламж үйлчилгээг сайжруулах нь” сэдэвт цахим хурал 2025 оны 02 дугаар сарын 03-ны өдөр 15:00 цагт ЭМГ-ын сургалтын танхимд зохион байгууллаа. Тус хуралд 26 сумын Эрүүл мэндийн төв, Баруун-Зуунмод өрхийн Эрүүл мэндийн төвийн нийт 72 эмч, эмнэлгийн ажилтан хамрагдлаа. 

Батлагдсан удирдамжийн дагуу Эмнэлэгийн тусламж, үйлчилгээний хэлтсийн дарга Б.Энхтуяа  Эх, хүүхдийн тусламж үйлчилгээний өнөөгийн байдал, цаашид анхаарах асуудлын талаар мэдээлэл тавин, 2024 онд ЭХЭМҮТөвд бүртгэгдсэн Төв аймгйин харьяат хяналтгүй жирэмсэн эх, амьгүй төрөлт, гэрийн төрөлт, охидын төрөлтийн мэдээг хүргэн цаашид анхаарах асуудлыг танилцууллаа.

Эрүүл мэндийн сайдын А/292, A/11,  A/489, A/546 тоот тушаалын танилцуулга, хэрэгжилтийн байдал болон бага насны хүүхдийн осол гэмтлийн  талаар мэдээллийг Эмнэлгийн тусламж, үйлчилгээний хэлтсийн Хүүхэд, залуучуудын тусламж, үйлчилгээ хариуцсан мэргэжилтэн А.Түвшин танилцуулан анхан шатны Эрүүл мэндийн байгууллагын эмч, эмнэлгийн мэргэжилтэн нарыг мэдээллээр ханган ажилласан.

НИЙТЭЛСЭН: 2025-02-04 04:45:13 Жиргэх Хуваалцах