Эрүүл мэндийн Яам, Эрүүл мэндийн хөгжлийн үндэсний  төв, Нийслэлийн түргэн тусламжийн газартай хамтран “Яаралтай тусламжийн цогц менежмент” болон “Гамшгийн үеийн төлөвлөлт, төлөвлөгөө, эрүүл мэндийн эрсдэл” сэдэвт  сургалтыг  сум, өрхийн эрүүл мэндийн төвийн эмч, эмнэлгийн мэргэжилтнүүдэд зориулан 2017 оны 04 сарын 05-ны өдөр аймгийн Эрүүл мэндийн газар зохион байгууллаа. 

Сургалтаар:  - Яаралтай тусламжийн орчин үеийн чиг хандлага ба ерөнхий ойлголт,

• Насанд хүрэгчийн амьсгал, зүрх-судасны сэхээн амьдруулах арга хэмжээ,
• Хүүхэд болон нярайн амьсгал,зүрх-судасны сэхээн амьдруулах арга хэмжээ /шинэ  стандарт/,
• Нярайн сэхээн амьдруулалтын шинэчлэгдсэн хөтөлбөр,
• Амьсгалын замын лавшруулсан тусламж,
• Хүчилтөрөгч эмчилгээний зарчим, AED аппараттай ажиллах дараалал, аюулгүй ажиллагаа,
• Насанд хүрэгчийн амилуулах лавшруулсан тусламжийн алгоритм,
• Яаралтай тусламжийн эмийн тунг тооцох,
• Гамшгийн үеийн эмнэлгийн тусламж үйлчилгээ,
• Гамшгийн үеийн эрэмбэлэн ангилгаа,
• Эрсдлийн удирдлага сэдвүүдээр мэдээлэл өгч онол, дадлага хосолсон  хэлбэрээр сургалтыг зохион байгуулсан.

Сургалтанд сум, өрхийн болон нэгдсэн эмнэлгийн 50 гаруй эмч мэргэжилтнүүд хамрагдлаа.