АЗДТГазраас ахмадын хороотой 2018.01.25-ны өдөр хамтран зохион байгуулсан “Аймгийн ахмадын байгууллагын дарга нарын сургалт семинар”-т Эрүүл мэндийн газраас хэрэгжүүлж байгаа “Эрүүл насжилт, настны эрүүл мэнд” аймгийн дэд хөтөлбөрийн хэрэгжилтийн байдал,  цаашдын зорилт” сэдэвт илтгэл  бэлтгэн тавьж, ахмадуудын тавьсан асуултанд хариулав.

Дэлхий дахинд 21-р зууныг  “Насжилтын зуун” гэж нэрлэсэн. Хүн бүрийн ирээдүй  насжилт учир эрүүл насжилтыг дэмжих чиглэлээр салбар дундын хамтын ажиллагааг сайжруулан хүн бүр иргэн бүр идэвх санаачлагатай хамтран ажиллахыг уриалсан.

• Настны мэргэшсэн эмч, сувилагчийг бэлтгэх
• Хөтөлбөрийг хэрэгжүүлэх эдийн засаг, санхүүгийн дэмжлэг үзүүлэх
• Салбар хоорондын хамтын ажиллагаа, уялдаа холбоог  сайжруулах
• “Настны хөгжлийн төв” байгуулах
• Настны нийгмийн асуудалд илүү анхаарах, нийгмийн оролцоог сайжруулах
• Эрүүл насжилтыг дэмжих олон талт үйл ажиллагааг тасралтгүй зохион байгуулах
• Настанд ээлтэй байгууллага, аж ахуйн нэгж, баг, хороо, сумыг шалгаруулах
• Ахмадуудаас эрүүл мэндийн сайн дурын идэвхитэн бэлтгэх, урамшуулах
• Сумын чийрэгжүүлэлтийн төвийг ахмадын хороо бүрэн дүүрэн ашиглах
• Сумын ахмадын зөвлөлийн бүрэлдэхүүнд нийгмийн салбар бүрээс төлөөлөл оролцуулах
• Ахмадын нийгмийн оролцоог дэмжих төрөл бүрийн арга хэмжээг тасралтгүй зохион байгуулах
• Эрүүл амьдрах арга ухаан, уламжлалт анагаах ухааны чиглэлээр ахмадаасаа суралцдаг өдөр, сартай болгох үйл ажиллагааг зохион байгуулах
• Сумын ахмадын зөвлөлийн үйл ажиллагааг жил бүр тусгай шалгуураар үнэлж, урамшуулдаг байх
• Настны туршлага, мэдлэг чадварыг судлах, дэмжих, нэвтрүүлэх гэсэн саналуудыг дэвшүүллээ.