Өргөн уудам газар нутагт хүн ам тархаж байрласан, зам тээврийн хүндрэлтэй нөхцөлд амьдардаг хүмүүст эмнэлгийн яаралтай тусламжийг цаг алдалгүй  газар дээр нь үзүүлэх яаралтай тусламжийн чанарыг сайжруулах зорилгоор 3 дугаар сарын 22,23-ны өдрүүдэд багийн эмч, жолооч нарыг онол, дадлага хосолсон сургалтанд хамрууллаа. Сургалтыг Эрүүл мэндийн газрын “Дадлагажуулах ур чадварын өрөө”-нд зохион байгуулж нийт сум, өрхийн ЭМТ-ийн 70 гаруй эмч, жолооч нар хамрагдлаа.

Сургалтаар:

• Насанд хүрэгчийн амьсгал, зүрх-судасны сэхээн амьдруулах арга хэмжээ,
• Хүүхэд болон нярайн амьсгал, зүрх-судасны сэхээн амьдруулах арга хэмжээ /шинэ стандарт/,
• Амьсгалын замын лавшруулсан тусламж,
• Хүчилтөрөгч эмчилгээний зарчим,
• AED аппараттай ажиллах дараалал, аюулгүй ажиллагаа,
• Насанд хүрэгчийн амилуулах лавшруулсан тусламжийн алгоритм,
• Яаралтай тусламжийн эмийн тунг тооцох,
• Амьсгалын дээд зам гадны биетээр бөглөх үед үзүүлэх тусламж,
• Үй олныг хамарсан ослын үед осолдогчдыг эрэмбэлэн ангилалт хийх  арга техник,
• Гавал тархины гэмтлийн үед үзүүлэх тусламж,
• Цээжний гэмтлийн үеийн оношлогоо яаралтай тусламж, Шарх цэгцлэх менежмент, ерөнхий зарчим,
• Осголт, хөлдөлт, түлэгдсэн үед үзүүлэх тусламж,
• Амь тэнсэж буй хүнд өвчтөн тээ­вэрлэх зарчим, үзүүлэх тусламжийг багтаасан онол дадлага, гардан үйлдэл хосолсон хэлбэрээр мэдлэг олгосон  чухал ач холбогдолтой сургалт боллоо.

Сургалтын үр дүн:

• Анхан шатны нэгжид ажиллаж байгаа эмч, мэргэжилтнүүд болон жолооч нарын анхан шатны тусламж үйлчилгээ үзүүлэх чадвар  дээшилсэн.
• Эрсдлүүдийг зөв үнэлэх, хянах, тусламж үзүүлэх мэдлэг хандлага нэмэгдсэн.
• Орчин үеийн эмнэлгийн тоног төхөөрөмжийг ашиглах, түүнийг хэрэглэх арга техникт суралцлаа.