“Эрдэм шинжилгээ- Онол практик”-ийн бага хурал   амжилттай зохион байгуулагдлаа

Төв аймгийн Эрүүл мэндийн салбарын сувилагч, тусгай мэргэжилтний дунд Олон улсын сувилагчдын өдрийг угтан нотолгоонд суурилсан сувилахуйн тусламж, үйлчилгээг хөгжүүлэх зорилгоор “Эх, хүүхдийн эрүүл мэндийн сувилахуйн тусламж, үйлчилгээний чанар, хүртээмжийг сайжруулъя” уриан дор зохион байгуулагдсан “Эрдэм шинжилгээ- Онол практикийн бага хурал” 2017.04.19-ны өдөр Эрүүл мэндийн газрын сургалтын танхимд амжилттай болж өндөрлөлөө.

Аймгийн Нэгдсэн эмнэлэг, өрх, сумдын 39 сувилагч, тусгай мэргэжилтний судалгааны ажлын 21 илтгэл тавигдаж, сувилахуйн тусламж үйлчилгээнд тулгамдсан асуудлаа тодорхойлсон.

1.      Тэргүүн байрыг Нэгдсэн эмнэлгийн Төрөх тасгийн эх баригч Т.Пүрэвсүрэн, Х.Янжин нарын “Төв аймгийн нэгдсэн эмнэлгийн Төрөх тасагт төрсөн нярайн өвчлөлийн өнөөгийн байдал, нөлөөлж буй хүчин зүйл” сэдэвт бүтээл
2.      Дэд байрыг Сүрьеэгийн тасгийн сувилагч Д.Баярмаа  “Хүүхдийн сүрьеэгийн өвчлөлд хийсэн судалгаа”
3.      Гутгаар байрыг Уламжлалтын тасгийн сувилагч Д.Сувдаа “Нойргүйдлийн үеийн хөлийн улны бариа засал эмчилгээний үр дүнг судалсан нь” сэдэвт бүтээл,
4. Халдвартын тасгийн сувилагч Ц.Ариунсайхан “Уран илтгэгч”-ээр тус тус шалгарч Батламж, шагнал гардууллаа.