Төв аймгийн Эрүүл мэндийн газар болон Сөүлийн эрүүл мэндийн сайн дурын сан харилцан тохиролцож эрүүл мэндийн чиглэлээр мэргэжлийн боловсон хүчнийг бэлтгэх, сургах, эмнэлгийн тоног төхөөрөмж, эм, эмнэлгийн хэрэгсэл нийлүүлэх зэргээр буцалтгүй тусламжаар хоёр орны анагаах ухаан болон эрүүл мэндийн салбарын хамтын ажиллагааг хөгжүүлэхийн төлөө харилцаа, хамтын ажиллагааны талаар тохиролцож, санамж бичигт гарын үсэг зурж баталгаажууллаа. 
Хамтын ажиллагааны хүрээнд: 
         1. Хүүхдийн эрүү, нүүрний мэс заслын мэргэжлийн боловсон хүчний харилцан солилцоо болон тэдгээрийн хамтын ажиллагааг өргөжүүлэх.
         2. Хүүхдийн амны хөндийн үзлэг,эмнэлгийн үйлчилгээг хийх.
         3. Бүх насныханд зориулж амны хөндийн эрүүл ахуйн сургалт явуулах.
         4. Цаашид Монгол, Солонгосын хамтарсан багаар хүүхдийн эрүү, нүүрний мэс засал болон эмчилгээ хийх ажлыг зохион байгуулах чиглэлээр хамтарч ажиллахаар боллоо.

      Хамтын ажиллагааг 2018 оноос эхлэн 5 жил хүртэл хугацаанд үргэлжлүүлнэ. 
      Энэ удаагийн үзлэгийг 2018 оны 08 дугаар сарын 20-ны өдрөөс 2018 оны 08 дугаар сарын 23-ны өдөр хүртэл Нэгдсэн эмнэлгийг түшиглэн зохион байгуулж байна. Үзлэгт Зуунмод сумын 0-18 насны хүүхдүүдийг хамруулж байна.